En Marea saúda positivamente o anuncio do referendo catalán do 1 de outubro

Tendo aprobado no seu documento político do plenario de Santiago o 17 de decembro de 2016 no apartado programático, que En Marea propugna:
“Defender o dereito a decidir, a decidilo todo, como un dereito fundamental. E decidilo todo implica tanto a toma de decisións respecto ás políticas que afectan directa e indirectamente á vida das persoas coma o propio Dereito de Autodeterminación como pobo.” 
En Marea que defende o dereito radical e democrático das nacións a decidir, saúda positivamente a convocatoria de referendo do 1 de outubro para decidir se a cidadanía catalana está de acordo para constituír un estado baixo a forma de República Catalana.
Igualmente En Marea apoia a convocatoria de acto reivindicativo convocado pola Asemblea Nacional Catalana mañá sábado 10 ás 12 .00 na Praza do Obradoiro.