En Marea esixe a Xunta de Galicia que acabe coa ausencia de espazo e unidades de hospitalización para enfermidade mental na Coruña e as dote de persoal suficiente

Estás aquí: Inicio » En Marea esixe a Xunta de Galicia que acabe coa ausencia de espazo e unidades de hospitalización para enfermidade mental na Coruña e as dote de persoal suficiente

En Marea esixe a Xunta de Galicia que acabe coa ausencia de espazo e unidades de hospitalización para enfermidade mental na Coruña e as dote de persoal suficiente

A vicepresidenta do Parlamento e deputada de En Marea, Eva Solla, visitou esta mañá a Unidade de Psiquiatría da Coruña para comprobar a situación despois das denuncias recibidas relativas a ausencia de medios materiais suficientes e espazo. Durante a visita na que estivo acompañada polo xerente e o director do centro, a deputada de En Marea non puido acceder as unidades de hospitalización, si nas unidades de hospitalización de día. Eva Solla lamentou esta circunstancia xa que entendendo que teñen unhas características específicas, considerou “chamativo” que non se permitise o acceso a ningunha das dependencias de hospitalización de Oza.

Na visita Eva Solla comprobou a ausencia real de espazos denunciado en múltiples ocasións polo persoal e polo Movemento Galego pola saúde mental e que recoñece a propia dirección do centro. Existe un problema moi evidente na metade das habitacións que contan con tres camas e non teñen baño individual senón que teñen que compartir incluído as duchas. Pero a propia unidade ten un espazo moi reducido e o número de camas e insuficiente para a necesidade de hospitalización como recoñecen os responsables do propio centro. Os pacientes vense obrigados a pasar o tempo libre nas pequenas salas de visita e nos corredores da unidade, un amoreamento que non favorece en absoluto á recuperación dos pacientes agudos como salientou a deputada de En Marea.

No relativo á contención mecánica, que para En Marea debería reducirse ao máximo posible, o espazo para practicala non está a ser o axeitado xa que se trata de tres camas nunha mesma habitación separadas por cortiñas.

A isto súmase o a falla xeral de persoal entendendo que o persoal de enfermería ten que ser incrementado de xeito urxente e para iso a Consellería de Sanidade ten que dotar destas prazas para levar a cabo este aumento que permitiría o mellor desenrolo dos diferentes plans que se están a levar a cabo nas unidades de saúde mental.

A deputada de En Marea comprometeuse a levar estas deficiencias e necesidades ao Parlamento para instar ao Goberno galego a dar solución as mesmas, sobre todo cando mantén unha planta enteira no Abente y Lago e outra no Materno ambas pechadas. “Non é de recibo que non exista este espazo habendo recursos” afirmou a deputada de En Marea, Eva Solla.

Deixa unha resposta

O teu enderezo electrónico non se publicará Os campos obrigatorios están marcados con *

four × one =

X