Villares a Rueda: “Vén aquí a disfrazar a súa incompetencia para xestionar un mando único de emerxencias que reduciría o risco derivado da vaga de lumes”

Estás aquí: Inicio » Villares a Rueda: “Vén aquí a disfrazar a súa incompetencia para xestionar un mando único de emerxencias que reduciría o risco derivado da vaga de lumes”

Villares a Rueda: “Vén aquí a disfrazar a súa incompetencia para xestionar un mando único de emerxencias que reduciría o risco derivado da vaga de lumes”

Cando vai sacar o traxe de peliqueiro?”, comezou Luís Villares dirixíndose ao vicepresidente da Xunta Alfonso Rueda, trala súa comparecencia para dar conta das novas propostas de coordinación en materia de emerxencias. “Cando van deixar de disfrazar a súa incompetencia na xestión da vaga de lumes, primeiro mediante a manipulación informativa, logo abandonando por completo aos concellos afectados nos días posteriores e agora cun plan de emerxencias que non parte dun recoñecemento das causas para tomar medidas efectivas de cara ao futuro e que supoñen unha emenda á totalidade da súa propia política de emerxencias”, proseguiu o voceiro de En Marea.

A xente sentiuse abandonada pola súa incompetencia”, sinalou Villares, para quen fallou o mando único de emerxencias do que é responsable o vicepresidente da Xunta Alfonso Rueda e deuse imprudencia temeraria por parte dos mandos, “que non suspenderon a xornada de caza nin evitaron que os sendeiristas andiveran polo monte podende causar unha verdadeira catástrofe”. Para En Marea Rueda “veu ao Parlamento disfrazar que carecemos dun servizo de emerxencias unificado e eficaz” e reclama revisar a Lei de Emerxencias de 2007 “que ten apartados que non se tocaron dende entón”.

Ademais, deixaron de empregarse recursos dos parques comarcais de bombeiros. “Só en Lugo deixaron de dispoñer de seis nodrizas mentres os grupos municipais de intervención e de protección civil tiñan que poñer todo da súa parte”, denunciou Luís Villares, que lle lembrou que esta mala xestión “contribuíu a poñer en maior risco á poboación”. “O interese xeral e os negocios son malos aliados”, indicou Villares, que destacou a necesidade loitar “contra a atomización dos servizos e cumprir coas leis e cos plans que establecen o mando único para a atención das emerxencias”.

Durante ese mesmo día, a Xuntadisfrazou a realidade mediante a manipulación informativa cunha CRTVG que, en vez de estar informando á xente sobre que facer, por onde entraba o lume ás cidades, que estradas estaban cortadas, etc. escolleron ocultar o que acontecía á opinión pública, que se tivo que informar polo resto de medios de comunicación privados sobre os que non pesa esa mesma resposanbilidade de servizo público”.

Disfrazaron tamén as causas nos días posteriores, atribuíndo os lumes a un suposto terrorismo incendiario do que nigúen achegou probas” cuestionou Villares antes de criticar o abandono dos concellos por parte da Xunta. “Foi vostede á provincia de Lugo a anunciar a apertura dunha oficina en Cervantes, que só estivo aberta unha semana con horario incompatible coas actividades gandeiras e sen ningunha capacidade para xestiónar as axudas”.

Para En Marea hai que sacar adiante un catálogo de recursos de emerxencias en todo o país de cara a establecer un mando único operativo que se recolla nun Pacto Nacional polo Territorio e tamén cómpre inclíur o sistema de emerxencias na Comisión de Estudo que se crearán no Parlamento de Galicia.

Propostas de En Marea

Ademais, Villares reivindicou a equiparación salarial e laboral dos bombeiros da provincia de Lugo coa dotación orzamentaria correspondente por parte da Xunta e da Deputación. En emerxencias e extinción de incendios En Marea defende que se contemple de xeito específico o risco en áreas industriais, que se xeralicen os Plans de Emerxencia Municipais, que o mando único sexa real, que se desenvolva a Lei de Emerxencias e os protocolos contemplados no Pladiga, no Platerga, no PEIFOGA.…un orzamento real para facer simulacros coa poboación sobre como defenderse en situación de lume e evacuación, dotación de medios de protección humana para os equipos de Protección Civil e plans de atención especificos a animais para activar os medios especializados tendo en conta as entidades que traballan na protección animal.

Sobre as medidas de sensibilización queremos lembrar que tamén se recolle no Pladiga e que En Marea denunciou o ano pasado que 2.000 escolares menos se beneficiaron dos plans de sensibilización nas escolas”, lembrou Villares. “E que as zonas de Galicia con baixa densidade demográfica teñan a mesma atención de emerxencias que as densamente poboadas”, concluíu.

Deixa unha resposta

O teu enderezo electrónico non se publicará Os campos obrigatorios están marcados con *

five × five =

X