Vídeo

Estás aquí: Inicio » Vídeo

A vicepresidenta do Parlamento e deputada de En Marea, Eva Solla, criticou a comparecencia do Conselleiro de Sanidade, Jesús Vázquez Almuíña, que asegurou foi ao Parlamento a presentar un acordo que non respecta aos traballadores eventuais e obriga ás centrais sindicais a “elixir entre as migallas e a nada”. Unha situación a que se chegou despois dos anos de roubo de dereitos e que agora pese a suposta recuperación económica, no caso dos interinos, a recuperación de dereitos é de carácter parcial como denunciou a deputada de En Marea.

Eva Solla denunciou tamén o descenso de profesionais de carácter fixo, con praza en propiedade. O Consello de Contas indica que os índices de temporalidade continúan a ser altos e medran cada ano. Un 37,6 por cento no último exercicio analizado a atención especializada. Alértase tamén da diminución de 689 efectivos de persoal propietario e polo tanto unha grande parte dos profesionais non vai poder acceder a eses dereitos. “Estaría ben que lle trasladara por que non se recoñece o seu traballo a pesar de levar moitos anos traballando no sistema público de saúde” pediu Eva Solla ao Conselleiro.

Tamén ten moito que ver como sinalou a deputada de En Marea, coas taxas de reposición que durante moitos anos diminuíron o número de profesionais na sanidade pública. Neste sentido dubidou dos datos ofrecidos na comparecencia do Conselleiro xa que non coinciden con ningún dato público que exista. “De onde sae o cálculo de profesionais no sistema público que emprega? Contan os contratos eventuais, ou simplemente as incorporacións sen ter en conta as xubilacións?” preguntou Solla.

“Durante moitos anos invitaron, obrigaron a se xubilar forzosamente moitos profesionais médicos, e agora botamos as mans á cabeza pola ausencia de profesionais, sobre todo en pediatría” declarou. Unha continua perda de profesionais con efecto especialmente demoledor nas zonas rurais. “Non existe ningún tipo de atención á planificación da saúde” asegurou Eva Solla.

Non existe tampouco partida orzamentaria e nin sequera están pagadas toda as extras dos últimos anos. “Como se sufragarán as melloras relacionadas coa carreira profesional, cando seguen sen abonar as nocturnidades? Descoñecemos que partidas van empregar” engadiu.

A deputada de En Marea puxo incidiu na necesidade de formación de calidade e acusou a Xunta de “desprezar totalmente aos profesionais” lembrando sentenzas como a condena á Consellería de Sanidade polo maltrato aos residentes na provincia de Ourense.

“A súa comparecencia non é máis que un lavado de cara para evitar falar dos recortes e as privatizacións dos últimos nove anos e a consecuente perda de dereitos laborais e no acceso á saúde” concluíu Eva Solla.
EN MAREA ESIXE QUE SE PLANIFIQUE A MEDIO E LONGO PRAZO

Na sesión plenaria, Eva Solla defendeu a moción do seu grupo relativa ao peche de camas que se repite ano tras ano no Sergas sen unha xustificación real e lóxica como denunciou a deputada de En Marea polo que pediu criterios concretos.

Eva Solla denunciou tamén a falla de transparencia da Consellería de Sanidade que continúa sen ofrecer os datos relativos ás lista de agarda non estruturais solicitadas hai máis de dous anos e que aínda non foron trasladados pese a existir un máximo legal dun mes para dar resposta ás preguntas aos grupos parlamentarios. “As listas de agarda que se publican son falsas, non son a realidade” asegurou Eva Solla. O mesmo acontece coa cobertura dos permisos de baixas e vacacións e o incremento da carga de traballo forzosa imposta por parte do Goberno galego.

Eva Solla asegurou que é imprescindible que se planifique a medio e longo prazo, cun plan que se adecúe a realidade ao tempo que se amortizan as prazas recortadas nos últimos anos. “Non hai ningún tipo de plan, máis de 1.000 profesionais menos na atención primaria” subliñou.

En relación as camas pechadas a vicepresidenta do Parlamento e deputada de En Marea pediu explicacións tamén polo xa que a pesar de que nos meses de xuño e agosto houbo avisos de saturación dos servizos de urxencia non se abriron as camas pechadas.

25 Setembro, 2018

Eva Solla: “A súa comparecencia non é máis que un lavado de cara para evitar falar dos recortes e as privatizacións dos últimos nove anos e a consecuente perda de dereitos laborais e no acceso á saúde”

A vicepresidenta do Parlamento e deputada de En Marea, Eva Solla, criticou a comparecencia do Conselleiro de Sanidade, Jesús Vázquez Almuíña, que asegurou foi ao Parlamento […]
10 Setembro, 2018

En Marea presentará no pleno solucións para poñer freo á electrocución dos fogares galegos que está a impor as grandes eléctricas coa complicidade do Goberno

O voceiro de En Marea, Luís Villares, e o deputado Francisco Casal denunciaron en rolda de prensa a insostible situación que están a vivir os fogares […]
7 Setembro, 2018

En Marea denuncia que a Xunta está a permitir que a multinacional Medtronic sexa a que organiza e dirixe as unidades de cardioloxía nos hospitais da Coruña, Compostela, Vigo e Lugo

A vicepresidenta do Parlamento e deputada de En Marea, Eva Solla, denunciou en rolda de prensa a ocultación por parte do Goberno galego da información relativa […]
4 Setembro, 2018

En Marea denunciará en pleno a resposta “soberbia, de desprezo e insensibilidade absoluta” do PP á morte dunha persoa no PAC da Estrada este verán

O vicevoceiro de En Marea no Parlamento de Galicia, Antón Sánchez, cualificou de “intolerable e inxustificable” a actitude do Partido Popular ante o gravísimo feito acontecido […]
14 Agosto, 2018

En Marea fai un chamamento á Xunta para que atenda as xustas reivindicacións dos axentes forestais e retire a “proposta miserable” que lles presentou

O deputado de En Marea, Davide Rodríguez, acompañado dos representantes sindicais dos axentes forestais e medioambientais en folga denunciaron ante os medios de comunicación a intolerable […]
14 Agosto, 2018

En Marea esixirá no Parlamento que se impida a Gas Natural a instalación dunha planta no centro de Boiro

O deputado de En Marea no Parlamento, Francisco Casal, mantivo unha xuntanza cos representantes da Plataforma do Gas de Boiro e os representantes de Boiro novo […]
8 Agosto, 2018

En Marea insta á Xunta e sentarse a falar de xeito urxente con sindicatos, colexios e asociacións de profesionais sanitarios para buscar solucións a grave situación de falla de persoal

A vicepresidenta do Parlamento e deputada de En Marea, Eva Solla, denunciou en rolda de prensa a falla de seriedade do Goberno da Xunta de Galicia […]
2 Agosto, 2018

En Marea insta á Xunta para modificar a lexislación e incluír a obriga da avaliación ambiental integrada ordinaria para todo tipo de instalación de residuos industriais

O grupo parlamentario de En Marea ben de rexistrar no Parlamento de Galicia unha serie de iniciativas nas que se pide instar á Xunta de Galicia […]
26 Xullo, 2018

En Marea presenta 38 emendas ao ditame elaborado polo PP da comisión dos lumes

O grupo de En Marea prenstou un total de 38 emendas con 112 puntos de adición ao ditame elaborado polo grupo do Partido Popular da comisión […]
16 Xullo, 2018

Luís Villares asegura que o único se verá na xuntanza con Pedro Sánchez será un Feijóo “renovadamente cínico, corrupto e indolente”

O voceiro de En Marea, Luís Villares, manifestou a súa falla de confianza na xuntanza que o presidente da Xunta de Galicia, Alberto Núñez Feijóo, manterá […]
27 Xuño, 2018

En Marea denuncia a redución das condicións de seguridade no contrato do servizo de transporte sanitario nos helicópteros do 061

O voceiro de En Marea, Luís Villares, e a vicepresidenta do Parlamento e deputada de En Marea, Eva Solla, denunciaron as graves irregularidades detectadas no proceso […]
19 Xuño, 2018

En Marea propón equiparar os permisos de maternidade e paternidade de forma intransferible para poder avanzar de xeito real na igualdade

  O grupo parlamentario de En Marea levou ao pleno da Cámara de hoxe unha proposición de Lei na que se pedía á Xunta de Galicia […]
14 Xuño, 2018

En Marea denuncia que a reapertura da mina Touro-O Pino suporía “unha ameaza para o ecosistema e a economía”

A viceportavoz de En Marea no Parlamento, Carmen Santos, e a deputada Paula Quinteiro, alertaron esta mañás das graves consecuencias que tería a reapertura da mina […]
X