O PP vota en contra da construción do IES de Barbadás, comprometido pola Xunta de Feijóo en 2009

Estás aquí: Inicio » O PP vota en contra da construción do IES de Barbadás, comprometido pola Xunta de Feijóo en 2009

O PP vota en contra da construción do IES de Barbadás, comprometido pola Xunta de Feijóo en 2009

Ánxeles Cuña: “A postura do PP é unha tomadura de pelo ao único concello de Galicia con máis de 10 mil habitantes que non ten un instituto de secundaria”

A deputada por Ourense Ánxeles Cuña defendeu esta mañá na Comisión de Educación do Parlamento a necesidade de iniciar de xeito inmediato a construción dun novo IES no concello de Barbadás, mobilizando as partidas orzamentarias precisas para tal fin de cara a garantir o remate das obras e a súa posta en funcionamento no vindeiro exercicio.

Para En Marea a cifra dos 779 alumnos matriculados en Educación Infantil e Primaria actualmente no municipio son un indicio da evidente necesidade desta infraestrutura educativa e do crecemento demográfico do concello. “Xa dende 2008 o Colectivo Cidadá por Centros Públicos de Barbadás reivindica o dereito do alumnado de Barbadás de poder continuar os seus estudos de ensino secundario e Bacharelato no municipio sen ter que desprazarse ata a cidade de Ourense”, lembrou Ánxeles Cuña.

En outubro de 2009 o Conselleiro de Educación e hoxe alcalde de Ourense, Jesús Vázquez, anunciou perante a comunidade educativa que se colocaría a primeira pedra no primeiro semestre de 2010 e que comezaría a funcionar no curso 2011-12. “Polo que se ve, co paso do tempo, era só propaganda e non compromiso real”, denunciou a parlamentaria de En Marea.

Todos os grupos parlamentarios apoiaron a iniciativa de En Marea, agás o PP, que votou en contra argumentando que “aínda que houbera motivos para construir o centro hai problemas cos terreos postos a disposición polo concello” e retrotraeronse ao bipartito para responsabilizar dese goberno a ausencia da dotación, obviando que o PP leva dende o ano 2009 no goberno da Xunta. Tamén sinalaron que en Ourense hai prazas

No turno de réplica, a promotora da iniciativa, Ánxeles Cuña, cualificou de “tomadura de pelo por parte do PP ao único concello de Galicia con máis de 10 mil habitantes que non conta cun Instituto de Educación Secundaria” e lamentou a intolerable referencia ao goberno bipartito a á deputada Tareixa Paz para eludir a propia responsabilidade do actual goberno da Xunta.

 

 

Deixa unha resposta

O teu enderezo electrónico non se publicará Os campos obrigatorios están marcados con *

2 × 2 =

X