Multitudinaria asemblea en Touro convocada por En Marea para decidir as actuacións a realizar contra a mina

Estás aquí: Inicio » Multitudinaria asemblea en Touro convocada por En Marea para decidir as actuacións a realizar contra a mina

Multitudinaria asemblea en Touro convocada por En Marea para decidir as actuacións a realizar contra a mina

O voceiro de En Marea Luís Villares, a vicevoceira da organización Ana Seijas, o vicevoceiro parlamentario Antón Sánchez e os deputados Francisco Casal e Marcos Cal trasladáronse esta tarde á parroquia de Bama, no concello de Touro, para explicar as actuacións de cara a impedir a reapertura e nova explotación do proxecto mineiro de cobre na mina de San Rafael nos concellos de Touro e O Pino. Dende En Marea amosáronse convencidos “de que non se van a cumprir as condicións legais da explotación e as consecuencias ambientais serán gravísimas e condicionarán toda a vida futura nas zonas xa mencionadas, por iso esiximos que se paralice o proceso de autorización”.

Explotacións Galegas firmou unha opción de compra polo 90% da propiedade dos dereitos mineiros en Touro O Pino, con posibilidade de chegar ao 100%, coa compañía mineira Atalaya Mining, sancionada en 2016, xa no primeiro ano de explotación, pola Junta de Andalucía (4 faltas graves) por incumprimento da autorización ambiental nas minas de cobre de Río Tinto (Huelva) e denunciada pola Fiscalía andaluza en 2017 polas mesmas causas.

O voceiro de En Marea, Luís Villares, sinalou que “non resulta crible pensar que unha empresa con antecedentes graves de contaminación e que deixou sen restaurar a mina de Rio Tinto, en Huelva, ademais de tapar improcedentemente parte das balsas causando graves escorrentías cara aos ríos vaia agora respectar as normativas medioambientais” abrindo unha mina a ceo aberto entre as localidades de Touro e O Pino “ambiental e socialmente insostible”.

Por outra parte, consideran que as promesas de emprego son “pura especulación” e cando remate explotación, para a que se calcula unha duración duns 16 anos, as áreas afectadas terán dificultades para retomar as actividades agrogandeiras. O impacto da reanudación da explotación mineira afectaría tamén a acuiferos, a especies protexidas e mesmo chegaría á desembocadura da ría de Arousa, de aí a preocupación en moitos dos concellos circundantes.

Durante a asemblea informativa aos veciños, os parlamentarios de En Marea tamén se comprometeron a coordinar actuacións conxuntamente dende dentro e fóra das institucións para convencer á Dirección xeral de Minas da Xunta da necesidade de paralizar o proxecto.

Deixa unha resposta

O teu enderezo electrónico non se publicará Os campos obrigatorios están marcados con *

three × 3 =

X