En Marea vincula a autorización dunha planta de residuos en Coristanco coa moción de censura promovida polo PP no municipio

Estás aquí: Inicio » En Marea vincula a autorización dunha planta de residuos en Coristanco coa moción de censura promovida polo PP no municipio

En Marea vincula a autorización dunha planta de residuos en Coristanco coa moción de censura promovida polo PP no municipio

Antón Sánchez: “Non permitiremos que os intereses empresariais e os comportamentos corruptos se antepoñan ao interese xeral”

O “cerebro” da moción, o popular Antonio Pensado, está sendo investigado no Xulgado n.1 de Carballo por trato de favor á empresa Gesmaga durante a súa anterior etapa como rexedor.

Coristanco, 4 de novembro de 2017.- O vicevoceiro de En Marea Antón Sánchez mantivo esta mañá unha xuntanza coa Plataforma en Defensa da Terra de Coristanco a raíz da resolución da Consellería de Medio Ambiente na que dá o visto bo á Declaración de Impacto Ambiental para a instalación dunha planta de tratamento de residuos industriais no lugar da Furoca.

Trala xuntanza, Antón Sánchez denunciou a relación entre esta autorización e a moción de censura executada o pasado mes de agosto no municipio. Unha “vergoñenta moción” que saiu adiante co apoio do PP e cuxo cerebro foi o actual alcalde accidental, Antonio Pensado Plágaro, que está sendo investigado polo Xulgado n.1 de Carballo por delitos de malversación de fondos, prevaricación e abuso de influencias. “Xa o advertimos naquel momento, pois sabiamos que a moción prosperou para favorecer determinados intereses empresariais”, denunciou o parlamentario de En Marea, que lembrou “os antecedentes de Pensado dispensando trato de favor á empresa Gesmaga, polos que aínda está sendo investigado”.

“Tamén nos sorprende a contradicción que se dá entre esta resolución e a que a mesma Consellería deu en Santa Icía, no concello de Arteixo, onde esixiu unha DIA ordinaria e e non simplificada como neste caso”, indicou Sánchez ao remate da xuntanza coa Plataforma en Defensa da Terra de Coristanco, cos que se comprometeu a levar adiante as accións políticas precisas “para evitar que os intereses empresariaais e os comportamentos corruptos se antepoñan ao interese xeral”.

Deixa unha resposta

O teu enderezo electrónico non se publicará Os campos obrigatorios están marcados con *

5 × four =

X