En Marea urxe á elaboración dun plan de procura de persoas desaparecidas da Guerra do 36 e do franquismo

Estás aquí: Inicio » En Marea urxe á elaboración dun plan de procura de persoas desaparecidas da Guerra do 36 e do franquismo

En Marea urxe á elaboración dun plan de procura de persoas desaparecidas da Guerra do 36 e do franquismo

Santiago, 27 de setembro de 2017.- En Marea preguntou na sesión plenaria de hoxe se a Xunta de Galicia ten previsto proceder a apertura e exhumación das fosas dos represaliados e represaliadas da ditadura militar en Galicia. A deputada Ánxeles Cuña lembrou que a Organización das Nacións Unidas (ONU) deu un prazo de 90 días a España para aplicar políticas en favor das vítimas do franquismo, dos que xa pasaron 50 sen que nada se saiba ao respecto por parte do Goberno español.

Así, o informe do grupo de traballo de dereitos humanos da ONU mostraba a súa consternación pola falla de investigación xudicial e a impunidade que rodea aos delitos de desaparición fozada da Guerra do 36 e do franquismo. No mesmo, recrimina ao Goberno español de desoír a maior parte das recomendacións que a ONU efectuou en 2013 e de abandonar “a súa sorte” ás vítimas da ditadura. Lamenta observas os poucos avances na posta en marcha destas recomendacións. Un informe que como salientou a deputada de En Marea “saca as cores a España” e supón “a vergonza dun país”.

No informe sinalase como “especialmente preocupante” que a maioría das recomendacións fundamentais para que os familiares de persoas desaparecidas durante a Guerra Civil e a ditadura poidan investigar como é ter acceso á verdade, á xustiza e a reparación non foron plenamente implantadas e que a dia de hoxe están librados a súa propia sorte.

Ánxeles Cuña incidiu no prazo de 90 días para presentar un cronograma no que se indiquen as medidas que se levarán a cabo para implantar as recomendacións aínda pendentes e as datas previstas para cada unha delas, unha longa lista de incumprimentos ou de medidas que consideran insuficientes. A propio ONU pon énfase na urxencia e celeridade para asumir e asumir un compromiso activo e reclama que o Goberno ofreza “maior apoio institucional e financeiro” ás asociacións e familiares das vítimas. No informe pide tamén que se investigue “de oficio” e de xeito exhaustivo e imparcial toda as desaparicións forzadas para o que sería necesario, como explican os expertos, eliminar os “obstáculos xurídicos” como a Lei de Amnistía de 1977.

Por todo isto, o grupo parlamentario de En Marea consideran “urxente” que se elabore un plan de procura de persoas desaparecidas dando resposta á situación y e acabando con esta inxustiza.

Ante a resposta vergoñenta do Conselleiro de Educación e Cultura, Román Vázquez, que evitou dar ningún tipo de resposta ao que se lle plantexaba por En Marea limitándose a dicir que “se cumprirá a lei”, a deputada de En Marea cualificou de resposta obscena e cínica, unha proba máis da “falla de vergoña á hora de mentir”. Así mesmo, Ánxeles Cuña salientou o que si pode facer o Galego galego se tivera vontade como é dirixirse ao Goberno do Estado e solicitar a derrogación da Lei de Amnistía de 1977 que asegurou contaría seguro co apoio de todos os grupos da oposición.

“Non queren recoñecer a realidade, estanse a retratar” afirmou Cuña. A nivel galego afirmou poden lexislar e deixar sen efecto esta amnistía, facer unha declaracións de reparación, desenvolver a Lei da memoria histórica como se está a facer noutras comunidades, ou elaborar un plan de procura das vítimas do franquismo. “Pero fronte a isto que responde o Goberno galego: imos cumprir a Lei” lamentou Ánxeles Cuña.

Deixa unha resposta

O teu enderezo electrónico non se publicará Os campos obrigatorios están marcados con *

4 × 5 =

X