En Marea reclama a paralización inmedia da aplicación do artigo 155 e das medidas anunciadas por Rajoy para Cataluña e pide a todas as partes que se senten a dialogar

Estás aquí: Inicio » En Marea reclama a paralización inmedia da aplicación do artigo 155 e das medidas anunciadas por Rajoy para Cataluña e pide a todas as partes que se senten a dialogar

En Marea reclama a paralización inmedia da aplicación do artigo 155 e das medidas anunciadas por Rajoy para Cataluña e pide a todas as partes que se senten a dialogar

Luís Villares: “A fulminación dos lexítimos representantes de Cataluña é un grave erro democrático co que o Estado fulmina o seu único interlocutor válido”

Yolanda Díaz: “ Había unha solución pola vía do diálogo, pero o PP e o PSOE deciden operar con toda a súa forza contra Catalunya”

Para En Marea o anuncio da destitución de Puigdemont e o Govern catalán e o recorte de competencias ao Parlament anunciado por Mariano Rajoy tralo Consello de Ministros extraordinario é un “grave erro democrático pois fulmina aos representantes que lexitimamente representan o pobo de Cataluña”.

“O pp que se mantivo sempre no inmobilismo elimina agora o seu interlocutor, elimina a política de diálogo e pretende eliminar aos que poderían resolver un conflito que é político”, sinalou o voceiro de En Marea Luís Villares, que informou do rexeitamento de En Marea ao que na práctica supón a supresión do autogoberno. “É un problema complexo e o golpe ás institucións democráticas de Cataluña non o vai amañar”.

Dende En Marea “reclamamos a paralización inmediata das medidas anunciadas e pedimos a todas as partes que se senten a dialogar” porque “acaban de deixar sen voz ó pobo de Cataluña e isto non é admisible en termos democráticos”.

Pola súa banda, a voceira de En Marea no Congreso Yolanda Diáz, manifestou “tristeza” tras coñecer as decisión adoptadas polas forzas do Réxime “que operan máis violentamente que nunca”. “ Había unha solución pola vía do diálogo, pero o PP e o PSOE deciden operar con toda a súa forza contra Catalunya. Non lles serve con convocar novas eleccións se non que deciden atacar a representación lexítima e elexida democráticamente polo pobo catalán”, sinalou Díaz.

Para Yolanda Díaz “isto favorecerá a confrontación civil con consecuencias irreversíbeis. Avanzará o recorte en liberdades públicas, en dereitos fundamentais e nun proceso de recentralización do Estado que nunca vivimos. Iso afecta a todo o Estado, a toda a cidadanía. Non podemos toleralo”

Deixa unha resposta

O teu enderezo electrónico non se publicará Os campos obrigatorios están marcados con *

sixteen − sixteen =

X