En Marea propón converter a escola de capacitación Pedro Murias de Ribadeo un centro de desenvolvemento rural na comarca da Mariña lucense

Estás aquí: Inicio » En Marea propón converter a escola de capacitación Pedro Murias de Ribadeo un centro de desenvolvemento rural na comarca da Mariña lucense

En Marea propón converter a escola de capacitación Pedro Murias de Ribadeo un centro de desenvolvemento rural na comarca da Mariña lucense

O voceiro de En Marea, Luís Villares, e a deputada Paula Vázquez Verao, e o portavoz de Marea de Ribadeo, Iván Lombardero, visitaron Ribadeo onde mantiveron unha xuntanza coa veciñanza para presentar ás propostas de En Marea e analizar os orzamentos da Xunta de Galicia para o vindeiro ano. Villares destacou unha serie de aspectos clave que non se están a recoller na proposta do Goberno galego. O primeiro deles é a necesidade de resolver os vertidos no encoro de Lexoso. En segundo lugar, a falla do sistema de abastecemento de auga para Ribadeo, unha reivindicación histórica que unha vez máis non resulta atendida. En terceiro lugar o remate o vindeiro ano da construción da vía verde. Pero sobre todo, un dos temas que máis preocupa a En Marea é o relativo á escola de capacitación Pedro Murias. Villares lembrou que o propio Feijoo entre as 30 medidas contra os lumes estaba potenciar a formación en materia de agrogandeiría e silvicultura polo tanto este compromiso adquirido polo Goberno galego debería ter un correlativo nos orzamentos para o vindeiro ano e concretamente nesta escola. “A pesar de que se di que van a potenciar a formación, a realidade é que nesta escola foi excluído o ciclo de técnico de produción agroecolóxica” denunciou Villares. Por este motivo, En Marea esixe a recuperación inmediata deste ciclo de grao medio. Non é admisible despois dos investimentos para certificar como ecolóxica esta escola agora estea absolutamente infrautilizada como salientou Villares.

A homologación das instalacións para a implementar a formación e obtención de certificados de profesionalidade e en terceiro lugar a axenda anual de formación continua para o sector agrogandeiro que teña unha colaboración completa con esta escola. A finalidade é facer da escola Pedro Murias un centro de desenvolvemento rural na comarca da Mariña, estratéxico, rural e estruturante de toda a comarca. “Algo que non se está a facer polo desleixo polas autoridades da Xunta de Galicia”denunciou o voceiro de En Marea. Esta escola como subliñou permitiría cumprir coas dúas finalidades que defende En Marea como é a incorporación de xente nova ao agro por unha banda e por outra a mellora e especialización do sector.

Villares anunciou que o seu grupo presentará emendas aos orzamentos da Xunta orientada precisamente nesta liña para implantar de xeito inmediato o ciclo de técnico de produción agroecolóxica.

A deputada Paula Vázquez Verao centrou a súa exposición na situación da sanidade e necesidades socio-sanitarias. Así, denunciou que os orzamentos da Xunta non recollen ningún incremento en prazas de centos de día, residencias nin escolas infantís. Verao destacou que nos Orzamentos da Xunta de 2018, para o Plan Director do Hospital da Costa a Xunta consigna 3,6 millóns de euros máis 2,3 millóns de euros (equipamento e mobiliario), pero non se executou o orzamentado en 2017. Así mesmo, asegurou que a ampliación do Hospital non vai supor servizos novos, só 10 camas e espazo de aparcadoiro.

“O que precisa o Hospital é que se retire o Anteproxecto de Lei de Reforma da Lei de Saúde e se recupere a capacidade de xestión dos hospitais comarcais, que se estabilicen as especialidades na Mariña e non teña que a xente ir cada vez máis a Lugo para operacións (ciruxía de otorrino, cataratas, fimose…) que poderían resolverse en Burela. Ademais, cómpre aumentar o persoal en enfermería, auxiliares e celadores” afirmou Paula Vázauez Verao.

En canto a atención primaria destacou a insuficiencia de recursos na comarca. “Precísase un verdadeiro servizo de oncoloxía, coa especialidade de enfermería oncolóxica.Precísase recuperar o servizo de anatomía patolóxica” remarcou.

En Sanidade, A Mariña precisa un reforzo da atención primaria, onde non se cobren as baixas e permisos das e dos profesionais, o que orixina altas rateos de pacientes por consulta, stress laboral e, consecuentemente, deterioro da atención. “É intolerable que haxa días nos que profesionais teñan que ver un cento de pacientes” denunciou. No verán, non se ten en conta o aumento de visitantes e turistas. Amortizáronse prazas en Ribadeo, Ourol, Cervo ou Xove.

Para En Marea cómpre reforzar a Atención Primaria e desenvolver os instrumentos de participación social no eido sanitario para facer unha verdadeira política de saúde e prevención da enfermidade. Precísase, ademais, coma en toda Galiza, un reforzo da atención pediátrica.

Deixa unha resposta

O teu enderezo electrónico non se publicará Os campos obrigatorios están marcados con *

5 × three =

X