En Marea esixe ao PP que respecte á cidadanía do rural e o seu dereito á saúde e retire o anteproxecto da Lei da saúde

Estás aquí: Inicio » En Marea esixe ao PP que respecte á cidadanía do rural e o seu dereito á saúde e retire o anteproxecto da Lei da saúde

En Marea esixe ao PP que respecte á cidadanía do rural e o seu dereito á saúde e retire o anteproxecto da Lei da saúde

Audio Luís Villares:

 

O Barco de Valdeorras, 20 de setembro de 2017.- O voceiro de En Marea, Luís Villares, a viceportavoz no Parlamento, Carmen Santos, e o deputado Davide Rodríguez, mantiveron unha xuntanza con representantes da plataforma en defensa da sanidade pública e persoal do Hospital Comarcal de Valdeorras. Na xuntanza o grupo parlamentario puido constatar que o PP quere crear cidadáns de primeira e de segunda, sendo estes últimos os que viven no rural aos que quere condenar unha e outra vez cun progresivo estrangulamento dos servizos públicos que os leve a emigrar e non teren dereitos polo único motivo de vivir onde viviron sempre. “Parécenos inaceptable o desmantelamento que se está facer da atención primaria nos centros de saúde de Viana ou Petín entre outros ou a diminución de especialidades como rehabilitación, fisioterapia ou cardioloxía no Hospital Comarcal de Valdeorras”denunciou o voceiro Luís Villares tras a xuntanza.

Os asistentes á xuntanza aseguraron que xa se están atopando situacións que por un simple análise de sangue a xente tense que desprazar a Ourense o que destapa como explicou Villares outro problema como é a falla de transporte público adecuado nin de ferrocarril nin de autobús, fai que a xente que teña que depender dos servizos de saúde e agora non poda facelo preto da súa casa teña que gastar unhas cantidades moitas veces non teñen para coller taxis para ir á cidade.

Por este motivo o grupo parlamentario de En Marea manifestou novamente o seu total rexeitamento do novo golpe á sanidade pública do noso país e denuncian o estrangulamento do medio rural que está a impor o PP. “Esiximos ao Goberno da Xunta e ao PP que respecte á cidadanía e ao máis básico dos dereitos como é a saúde” concluíu Luís Villares.

O deputado de En Marea no Parlamento, Davide Rodríguez, pola súa parte salientou as consecuencias directas na comarca, sinalando por exemplo a falla de pediatra en Trives que tiñan que se desprazar ao Barco. “Hai pobos para os que as consecuencias son moito más graves xa que terán que soportar desprazamentos de ata dúas horas” denunciou Davide Rodríguez.

Deixa unha resposta

O teu enderezo electrónico non se publicará Os campos obrigatorios están marcados con *

15 + 3 =

X