En Marea denuncia a precaria situación de persoal e medios do Hospital de Monforte

Estás aquí: Inicio » En Marea denuncia a precaria situación de persoal e medios do Hospital de Monforte

En Marea denuncia a precaria situación de persoal e medios do Hospital de Monforte

Luís Villares e Paula Vázquez Verao se entrevistaron coa xunta de persoal do centro que contaron a falta de especialistas e a carencia de medios

A situación do Hospital de Monforte supón que persoal de quirófano é desviado á planta de infecciosos ou que o material clínico sexa da peor calidade

Audio Paula Vázquez Verao e Luís Villares: https://i.gal/qiKjr

Santiago, 26 de xaneiro de 2018.- O voceiro de En Marea, Luís Villares, e deputada desta formación, Paula Vázquez Verao, mantiveron unha reunión coa xunta de persoal do Hospital de Monforte para coñecer a situación deste centro sanitario tanto desde o punto de vista da atención sanitaria como da situación dos traballadores.

Os integrantes da xunta de persoal explicaron que a situación da dotación de persoal era precaria posto que faltaban facultativos en especialidades como cardioloxía e outros servizos especialistas que non se cubrían e que tamén había problemas co persoal en distintas plantas do hospital. A falta de persoal provoca numerosos problemas de atención segundo os profesionais, desvíos de atención a outros centros e un empeoramento xeralizado da atención aos pacentes.

Entre outros asuntos graves, a faltar de persoal provoca que profesionais que están destinados en quirófano sexan utilizados para atender a pacientes na planta de infecciosos, unha prática desaconsellada en cualquier tipo de práctica hospitalaria polo risco que supón de infección para os pacientes sometidos a cirurxía.

Tamén sinalaron os profesionais do hospital comarcal que o material que se está utilizando (luvas, agullas, gasas…) son de pésima calidade e en moitas ocasións chegan a utilizar varios para que resulten útiles para o seu traballo.

Luís Villares e Paula Vázquez Verao explicaron que a situación de precariedade que padece o Hospital de Monforte se debe a unha política de recortes que busca distanciar aos pacientes da atención médica. Luís Villares sinalou que cando se fala de atención sanitaria “a distancia é un asunto de vida ou morte e o PP quere deixar á xente máis lonxe do sitio onde debe ser atendida”. Paula Vázquez Verao explicou que a situación do hospital “era inaceptable” e anunciou por parte de En Marea “a presentación dunha batería de iniciativas que reclamen outra forma de xestionar para o Hospital de Monforte”.

Deixa unha resposta

O teu enderezo electrónico non se publicará Os campos obrigatorios están marcados con *

11 − four =

X