En Marea denuncia os continuos incumprimentos e mentiras respecto á construción da vía de Alta Capacidade de Tui á Guarda

Estás aquí: Inicio » En Marea denuncia os continuos incumprimentos e mentiras respecto á construción da vía de Alta Capacidade de Tui á Guarda

En Marea denuncia os continuos incumprimentos e mentiras respecto á construción da vía de Alta Capacidade de Tui á Guarda

O vicevoceiro de En Marea no Parlamento, Antón Sánchez, reclamou ao Goberno galego un prazo concreto para a execución do primeiro tramo da Vía de Alta Capacidade de Tui á Guarda presentado no ano 2004 Na súa intervención Sánchez salientou que dos 24 quilómetros de estrada e dos 200 millóns de euros comprometidos no Plan Move só se puxeron en servizo os 10 últimos quilómetros de Goián á Guarda, e investíronse 60 millóns de euros.

Despois de que en abril de 2016 se utilizasen fondos previamente destinados á VAC de Tui-A Guarda para o Corredor do Morrazo, causando indignación na comarca do Baixo Miño, a Consellería de Infraestruturas licitou a redacción do proxecto de construción do enlace A-55-Areas, proxecto que debería de estar concluído en 8 meses dende ese momento, xuño de 2016.A continuación será posible licitar as obras do enlace que suporían un investimento, por parte de la Xunta, de ao redor de 12 millóns de euros.

Do resto da obra, que une Tui con Goiáns, nada se sabe a día de hoxe; nin se se teñen contemplado outras alternativas menos custosas ou con menor impacto ambiental, como as propostas por colectivos veciñais da zona. Unha obra chea de incumprimentos e mentiras por parte da Xunta de Galicia tal e como denunciou o vicevoceiro de En Marea en comisión.

En resposta ao grupo de En Marea, o director da Axencia galega de infraestruturas da Xunta de Galicia, Francisco Menéndez, anunciou que a finais deste mesmo ano principios de 2918 estaría rematado o proxecto construtivo do primeiro tramo desta autovía ao que o vicevoceiro de En Marea replicou que o seu grupo estará vixiante para comprobar se esta vez a Xunta é quen de cumprir os seus propios prazos. Antón Sánchez lamentou que o director xeral pola contra non ofrecese resposta algunha sobre o tramo central da autovía.

Deixa unha resposta

O teu enderezo electrónico non se publicará Os campos obrigatorios están marcados con *

two × five =

X