En Marea demanda solucións á Xunta de Galicia para a activación do solo industrial en Ribadavia

Estás aquí: Inicio » En Marea demanda solucións á Xunta de Galicia para a activación do solo industrial en Ribadavia

En Marea demanda solucións á Xunta de Galicia para a activación do solo industrial en Ribadavia

Foto: Xesús Fariñas. La Región

O vicevoceiro de En Marea no Parlamento, Antón Sánchez, denunciou o problema de falla de solo industrial no concello de Ribadavia. Salientou que na actualidade unha parte moi importante das parcelas do parque empresarial de Ribadavia desenvolto por Xestur, atópanse vendidas e adquiridas por propietarios que non chegaron a construír nin investir nel, dándose unha situación onde a pesar de que na realidade hai moi poucas parcelas con empresas funcionando, tampouco existe solo dispoñible para que se instalen as que queiran levar a cabo unha actividade económica.

As licitacións do Xestur constan dunhas condicións impostas que procuran na teoría evitar isto, fixando límites temporais para a edificación das parcelas licitadas, que salvo por causas debidamente xustificadas son tres anos dende a data da formalización da compra-venda. “Para Ribadavia e a comarca é moi importante contar con solo industrial e empresarial e para a sociedade é importante que non se utilicen dito solo para especular senón para fomentar a economía produtiva” afirmou Antón Sánchez.

Por este motivo, o grupo de En Marea ven de presentar diversas iniciativas nas que se pide que o Parlamento inste á Xunta a tomar as medidas pertinentes para que se cumpran as condicións impostas na licitación das parcelas do Polígono Empresarial 106 de Ribadavia no que ten que ver coa edificación nos prazos determinados en ditas parcelas. Así mesmo, pídese que se estableza o diálogo institucional co Concello de Ribadavia para levar a cabo as accións necesarias para poñer a disposición unha bolsa de solo suficiente para as empresas que queiran levar a cabo unha actividade económica na zona.

Deixa unha resposta

O teu enderezo electrónico non se publicará Os campos obrigatorios están marcados con *

fifteen + 18 =

X