En Marea considera os orzamentos da Xunta para 2018 son “insuficientes e tremendamente inxustos” coa comarca do Salnés

Estás aquí: Inicio » En Marea considera os orzamentos da Xunta para 2018 son “insuficientes e tremendamente inxustos” coa comarca do Salnés

En Marea considera os orzamentos da Xunta para 2018 son “insuficientes e tremendamente inxustos” coa comarca do Salnés

O deputado Marcos Cal mantivo unha xuntanza de traballo con compañeiros e compañeiras do Salnés para facer un análise dos Orzamentos para o vindeiro ano da Xunta de Galicia e ver as propostas do territorio que se demandan que o grupo de En Marea levará ao Parlamento en forma de emendas as contas galegas.

O deputado Marcos Cal valorou como insuficientes e incongruentes coa mensaxe da suposta saída da crise da que tanto fala o Partido Popular sinalando que non se corresponden co crecemento do Produto Interior Bruto. “Non é lóxico que se temos o mesmo PIB que en 2009 os orzamentos para o vindeiro ano teñan 3.000 millóns menos” explicou o deputado de En Marea.

No reparto orzamentario o que ten que ver coa comarca do Salnés son aínda máis insuficientes xa que non se contempla ningunha partida que dea resposta ás cuestións importantes da comarca. Unha delas o saneamento da ría para o que non se recolle partida algunha pese a ser unha cuestión estratéxica e fundamental para a comarca. Tampouco para a rexeneración dos bancos marisqueiros. Sen embargo, o PP si introduce nos Orzamentos 2018 importantes partidas para proxectos de acuicultura incidindo nesta aposta do Partido Popular de explotar os recursos da ría en beneficio unicamente duns poucos e prexudicando aos usos tradicionais da ría.

Así mesmo, non aparecen partidas para as demandas históricas das ANPAS das comarcas no que ten que ver cos centros educativos, nin tampouco para os centros de saúde como pode ser o do Grove, o da Illa ou o de Vilagarcía. Non se contemplan partidas para centros de día, unicamente para o centro de día de Cambados que “xa aparecía no anterior orzamento e non se executou polo que pouca confianza ofrece de que se vaia a facer o vindeiro ano”.

O grupo parlamentario de En Marea considera polo tanto os Orzamentos “tremendamente inxustos para a comarca do Salnés cos que se continúa a prexudicar ás maiorías sociais e a beneficiar aos de arriba”.

 

 

Deixa unha resposta

O teu enderezo electrónico non se publicará Os campos obrigatorios están marcados con *

3 + two =

X