En Marea considera “lamentables e decepcionantes” os orzamentos da Xunta 2018 para o concello de Ferrol

Estás aquí: Inicio » En Marea considera “lamentables e decepcionantes” os orzamentos da Xunta 2018 para o concello de Ferrol

En Marea considera “lamentables e decepcionantes” os orzamentos da Xunta 2018 para o concello de Ferrol

O grupo de En Marea reuniuse co alcalde de Ferrol, Jorge Suárez e o equipo de goberno para analizar os orzamentos da Xunta de Galicia para o vindeiro ano que tal e como destacou o vicevoceiro de En Marea, Antón Sánchez, son “lamentables e decepcionantes” para Ferrol. Na comparecencia ante os medios posterior á xuntanza, Sánchez denunciou que non atenden aos problemas de emerxencia social da cidade de Ferrol ao tempo que sinalou a escasa execución dos mesmos.

Neste sentido, o vicevoceiro de En Marea lembrou que o propio Goberno galego salientou que os incrementos dos orzamentos galegos para 2018 estarían dirixidos a emprego, servizos sociais e I+D+I que son precisamente as partidas cun peor nivel de execución. No caso dos fondos de formación para emprego deixouse sen executar en 2016 -últimos datos dispoñibles-deixáronse sen executar o 50 por cento do orzamento o que se traduce en máis de 50 millóns sen executar. “Vir a Ferrol a afirmar que se traballa polo emprego con estes datos de execución é indignante co grave problema de paro existente en Ferrol” afirmou Sánchez. En I+D+I quedaron sen executar 65 millóns de euros, máis do 40 por cento sen executar.

E no relativo a servizos sociais, Antón Sánchez considerou “escandaloso” que o Instituto Galego de Vivenda e Solo tento vivenda e solo en propiedade como ten, que a cidadanía de Ferrol teña dificultades para que a Administración provea de vivenda a aquelas persoas que teñen problemas de acceso a unha vivenda digna. “A xestión do PP no Goberno galego é dunha ineficacia sen comparativa” asegurou o vicevoceiro de En Marea.

Os deputados do grupo parlamentario de En Marea pola provincia da Coruña, Antón Sánchez, Luca Chao, e Pancho Casal, comprometéronse co goberno local de Ferrol en Común a trasladar as demandas para tentar que “o PP sexa receptivo a unhas demandas que o único que pretenden é defender a cidadanía de Ferrol”.

Deixa unha resposta

O teu enderezo electrónico non se publicará Os campos obrigatorios están marcados con *

five × 2 =

X