En Marea censura o trasvase do río Verdugo sen estudos de impacto ambiental e sen diálogo cos concellos afectados

Estás aquí: Inicio » En Marea censura o trasvase do río Verdugo sen estudos de impacto ambiental e sen diálogo cos concellos afectados

En Marea censura o trasvase do río Verdugo sen estudos de impacto ambiental e sen diálogo cos concellos afectados

Marcos Cal: “Un proxecto de tales magnitudes non se pode plantexar dende a improvisación e a urxencia”

O grupo parlamentario de En Marea amosa a súa profunda preocupación perante a insistencia da Xunta de realizar as obras de trasvase do Río Verdugo sen facer os estudos de impacto ambiental pertinentes e sen contar coa participación dos Concellos afectados nin da sociedade civil en xeral. “Unha decisión que se apoia nunha suposta urxencia que non se sostenta atendendo á actual situación do encoro das Eiras e ás previsións climatolóxicas”, asegura o deputado Marcos Cal tras unha visita a Pontecaldelas, para quen “a actual situación permite e esixe unha análise sosegada”.

Para En Marea un proxecto de tales magnitudes, non se pode plantexar dende a improvisación e a urxencia “por parte de quen non ten feitos os deberes no contexto de cambio climático ó que nos enfrontamos, ademáis de que dadas as condicións do Río Verdugo en momentos de seca, todo apunta a que non sería unha solución definitiva, o cal precisa poñer en marcha outro tipo de actuacións”.

Dende En Marea apúntase a necesidade de practicar medidas reais de aforro de auga, con accións encamiñadas ó uso sostible e razoable da auga. “Debemos revisar o uso da auga para baldeo de rúas, os modelos de xardíns e fontes, os sistemas tarifarios, o investimento na eficiencia da rede de conducción de auga e nas potabilizadoras, no uso industrial e doméstico, así como actuar dunha vez por todas nas políticas medioambientais para cuidar o ciclo da auga”, reza no seu comunicado o grupo parlamentario.

Neste senso habería que actuar de forma inmediata ante a perspectiva de secas cada vez maiores, dende Augas de Galicía deberían potenciar e coidar as cabeceiras dos regos que conformaran os grandes ríos dos que nos abastecemos, así como impulsar dunha vez por todas medidas encamiñadas á loita contra o cambio climático, xa que Galicia é na actualidade a comunidade do Estado con maiores emisións de CO2 sen que a administración teña tomado ningunha medida para reverter esta deriva destructora do medio ambiente, dos recursos hídricos e polo tanto, da propia vida.

“Tamén seguiremos insistindo para que a Xunta de Galicia impulse un plan, en colaboración cos concellos, para mellorar a eficiencia nas canalizacións das traidas, onde se perde entre o 30 e o 50 por cento da auga xestionada, sendo un dos principais campos de acción para garantir o acceso ó auga da cidadanía”, sinala o parlamentario Marcos Cal. “Do mesmo modo é imprescindible tamén impulsar protocolos de acción para a eficiencia e o bo uso da auga nos distintos sectores industriais con altos consumos de recursos hídricos”, engade, e no eido forestal “é preciso definir que tipo de especies son as máis axeitadas para a boa conservación e protección do clico da auga, reducindo a extensión de especies con altos consumos hídricos.”

En definitiva, para En Marea non se poden retrasar máis as necesarias medidas para a boa xestión deste preciado recurso e non se poden sustituir por ocorrencias de urxencia sen respaldo científico, que en definitiva, se utilizan como cortinas de fume para agochar as deficiencias na xestión, enganando á cidadanía sen solventar o problema a medio e longo prazo.

Deixa unha resposta

O teu enderezo electrónico non se publicará Os campos obrigatorios están marcados con *

nine − 8 =

X