En Marea apoia as protestas para esixir unha área sanitaria con capacidade de xestión na Mariña

Estás aquí: Inicio » En Marea apoia as protestas para esixir unha área sanitaria con capacidade de xestión na Mariña

En Marea apoia as protestas para esixir unha área sanitaria con capacidade de xestión na Mariña

A deputada pola provincia de Lugo Paula V. Verao trasladouse hoxe ata a Mariña para manter unha xuntanza coa Xunta de Persoal do Hospital da Costa e máis coa Plataforma Sanitaria da Mariña de cara a recoller as preocupación na comarca pola reforma da Lei de Saúde e canalizalas a través de iniciativas e preguntas ao Goberno galego no Parlamento de Galicia.

“Apoiamos e apoiaremos á xente da Mariña, que por volume de poboación e dispersión xeográfica precisa manter a súa Área Sanitaria con capacidade de xestión”, sinalou Paula Verao que reivindicou nese senso a necesidade de “reforzar o carácter de Hospital Xeral da Costa, fronte ao déficit de persoal e precariedade dos servizos”.

Para En Marea son intolerables as declaracións do PP insinuando que nas mobilizacións en defensa da sanidade “son oito detrás dunha pancarta”. “A mobilización implica a unha gran maioría social porque a xente sofre a diario a realidade das listas de agarda e os desvíos constantes ao hospital de Lugo, derivadas da precarización dos servizos na Mariña”, engadiu a deputada Paula V. Verao, trala súa visita á Mariña.

Xa pola tarde Paula Verao reúnese en Foz coas persoas coordinadoras de En Marea na Mariña para tratar diversas cuestións relacionadas cos Servizos Sociais da comarca.

Deixa unha resposta

O teu enderezo electrónico non se publicará Os campos obrigatorios están marcados con *

seventeen + fifteen =

X