En Marea acusa a Feijóo de ser un “presidente autoritario” que “apoia o recorte de liberdades simplemente por nos opoñer á política do PP”

Estás aquí: Inicio » En Marea acusa a Feijóo de ser un “presidente autoritario” que “apoia o recorte de liberdades simplemente por nos opoñer á política do PP”

En Marea acusa a Feijóo de ser un “presidente autoritario” que “apoia o recorte de liberdades simplemente por nos opoñer á política do PP”

Santiago de Compostela, 27 de setembro de 2017.- En Marea lamentou na sesión de control ao presidente da Xunta de Galicia esta mañá, que o PP estea a tomar a consulta como escusa para a criminalización do pensamento diferente “son máis do pensamento uno, grande e libre”. O voceiro de En Marea,Luís Villares, sinalou que “un reclamo cidadá tan democrático como votar foi empregado polo Estado como escusa para comezar unha oleada de recortes de liberdades públicas e dereitos civís” con secuestro de publicacións, prohibición de conferencias, de reunións e de manifestacións… “Ao PP moléstalle o pensamento diferente ao seu por iso nos amordaza” afirmou Villares quen acusou a Núñez Feijóo de ser un “presidente autoritario”poñendo tres probas desta afirmación. A primeira delas hai uns días cando o Delegado do Goberno en Galicia, do PP e colocado a dedo, ameazou con prohibir calquera acto que se convoque en apoio ao dereito a decidir. Unha ameaza que Villares preguntou ao presidente da Xunta se compartía tamén ou pola contra pedirá a súa destitución.

Villares referiuse tamén as declaracións de subdelegado do Goberno do PP en na Mariña de Lugo, que ameazou igualmente con sancións aos que se manifesten en defensa da sanidade pública diante do Hospital de Burela, e polo que tamén preguntou ao presidente se pedirá tamén a destitución ou tamén apoia este “recortes de liberdades simplemente por nos opoñer á política do PP”

Villares lembrou así mesmo o acontecido esta fin de semana cando un grupo de ultranacionalistas españois, “entre eles altos cargos do PP de Aragón”, sitiaron unha asemblea de representantes públicos, que se reunira en Zaragoza para pedir “algo tan perigoso como diálogo, convivencia e fraternidade”. Durante estes actos destacou os congregados agrediron a presidenta das Cortes de Aragón lanzándolle unha botella entre aplausos da multitude, ataviada entre outras coa bandeira franquista. “¿Comparte vostedes señor Feijóo o asedio e a agresión que membros do PP protagonizaron o pasado domingo? = ¿Como membro da dirección do PP instará a súa expulsión do PP? ¿De que lado están da liberdade de pensamento ou do pensamento único, grande e libre” preguntou Luís Villares ao presidente da Xunta de Galicia.

Na quenda de réplica, o voceiro de En Marea lamentou as dúas varas de medir do presidente da Xunta de Galicia, “unha para os amiguetes e outra para o resto, para os amigos botellas e para o resto botellazos”. “A súa resposta revela as súas escasas dotes democráticas e o seu carácter autoritario” afirmou Villares.

“Temos un presidente autoritario que a semana pasada se permitía o luxo de inhabilitar aos que non pensan coma el. Señor Feijóo confunde vostede a función xudicial coa lexislativa pero é normal en alguén coma vostede que estudou oposicións de xudicatura e non as aprobou” afirmou Villares. “Os xuíces aplican as leis e os políticos cambian as leis. Por iso colguei a toga e vin á política: para cambiar as leis inxustas” explicou o voceiro de En Marea.

“E vostede señor Feijóo ¿a que veu á política? ¿Que facía antes de estar en política? Todos vimos as fotos onde conducía o barco dun narcotraficante. Marcial Dorado. “Alberto Núñez Fejóo de profesión narcochofer” ironizou Villares que asegurou que “Feijóo está inhabilitado moralmente para exercer a política”.

Na súa intervención o voceiro de En Marea referiuse igualmente ao xuízo do Caso Campeón que afecta a varios cargos do PP. Mentres a Fiscalía acusounos de varios delitos de corrupción, a Xunta pola súa banda non quixo acusar aos membros do PP. “¿Acusou a todos os imputados agás aos que tiñan carné do PP?” preguntou Villares ao presidente da Xunta. Onte mesmo recoñeceron os feitos e aceptaron ser condenados por corrupción “e se fora por vostedes, sen acusación quedarían libres”. “Vostede é coma eles, é digno representante do seu partido, o partido da corrupción”concluíu Villares.

O presidente do Parlamento de Galicia, Miguel Santalices, durante a intervención do porvatoz Luís Villares na sesión de control ao presidente veuse na obriga de mandar calar aos deputados e deputadas do grupo popular, chegando incluso a amenazar con suspender temporalmente a sesión ante a actitude destes que non pararon de increpar Villares interrumpindo a súa intervención.

Deixa unha resposta

O teu enderezo electrónico non se publicará Os campos obrigatorios están marcados con *

sixteen + 14 =

X