Acaba de cumprirse un ano da vaga de lumes, “un ano perdido” como valorou o voceiro de En Marea, Luís Villares, e no que a xestión da Xunta de Galicia caracterizouse polo abandono da cidadanía e dos concellos afectados, a incompetencia e a manipulación feita durante todo este ano. Unha destas manipulacións foi o anuncio de 30 medidas por parte do presidente da Xunta, Alberto Núñez Feijóo na Cámara galega no mes de novembro e que asegurou estaban practicamente cumpridas. Ante esta afirmación o grupo de En Marea preguntará no vindeiro pleno que concrete cales son esas medidas que supostamente están xa cumpridas. “Xa descartamos ese suposto cumprimento e xa dixemos que eran 30 medidas e 15 mentiras e agora queremos escoitar de boca do presidente que é o que realmente se cumpriu e o que non” explicou Villares.

Outro dos temas importantes que En Marea levará ao pleno do Parlamento será o bono social da enerxía eléctrica. Para o grupo parlamentario é imprescindible acabar coa pobreza enerxética e garantir que todas as persoas teñan enerxía suficiente e para iso precisase un compromiso de toda a sociedade. Por este motivo, En Marea presentará unha iniciativa co obxectivo de acadar un acordo parlamentario que sexa trasladado posteriormente as eléctricas para que que o bono social sexa extensible para poder chegar a quen realmente o necesita.

En terceiro lugar, e tendo en conta a estación do ano na que nos atopamos e a vindeira chegada da tempada de gripes, En Marea levará a falla de persoal sanitario nos centros de atención continuada. “Non queremos que se volva a repetir dramáticas situacións como a vivida este pasado verán no PAC da Estrada” salientou o voceiro de En Marea. Por este motivo, o grupo formulará un debate no que se pedirá persoal suficiente para poder atender á poboación en termos sanitarios.

INICIATIVAS EN MAREA PLENO 23 DE OUTUBRO

• Declaración Institucional Convenio de tranformados alimentación
• Proposicións Non de Lei.
  • Dereito ao Aborto
  • Bono Social enerxía eléctrica en todas as comercializadoras 
Interpelacións
  • Contratación Sergas, situación atención Primaria

• Mercado laboral e contra a desigualdade.
• Preguntas ao Goberno
  • Urxente: Mellora condicións laboráis convenio elaboración 
productos derivados do mar
  • Ordinaria: Impulso da dotación á provincia de Lugo dun centro integral de referencia para as persoas diagnosticadas con trastornos do espectro do autismo, TEA
  • Ordinaria: Deficit profesorado no CentroPúblico Integrado As Mirandas, do concello de Ares 
Pregunta ao Presidente no 38775Incendios 
Sr presidente, podería enumerar cantas das 30 medidas comprometidas no seu plan de choque contra os incendios, foron realmente executadas?