Luís Villares: “A covardía e o escapismo da Xunta durante o Domingo Negro mantense semanas despois da vaga de lumes”

Estás aquí: Inicio » Luís Villares: “A covardía e o escapismo da Xunta durante o Domingo Negro mantense semanas despois da vaga de lumes”

Luís Villares: “A covardía e o escapismo da Xunta durante o Domingo Negro mantense semanas despois da vaga de lumes”

“Unha vez máis, a covardia e o escapismo caracterizan a actitude do Goberno galego, sen dar a cara diante dunhas cifras históricas en tempo récord”.O voceiro de En Marea Luís Villares valorou así o comunicado deste venres no que a Xunta elevaba a 49 mil as ha queimadas durante o Domingo Negro da vaga de lumes.

O voceiro de En Marea que participa este sábado da celebración Festa da Castaña do Courel, tras visitar unha explotación de gando ovino e caprino no concello de Samos e percorrer algunhas das parroquias deste municipio lugués máis afectadas pola vaga de lumes, tamén sinalou a “incompetencia histórica do PP durante un tempo que xa se fai demasiado longo”. E criticou duramente o bloque dos populares a crear unha Comisión de Estudo parlamentaria para analizar as causas dos incendios e determinar posibles solucións.

Para Luís Villares, que leva percorrendo nas últimas semanas as zonas máis castigadas polos incendios, o que aconteceu “non é unha circunstancia excepcional e estamos chamados a repetila esto se non correximos as políticas” e amosouse convencido da necesidade de contar con expertos independentes para “saber que falou e propoñer novas políticas no ambito forestal, agrogandeiro para un rural vivo e para a ordenación do territorio”.

“Seguimos facendo un chamamento a todas as forzas políticas e á responsabilidade do PP para acadar un Pacto Nacional polo Territorio”, indicou o voceiro de En Marea, “pero o que estamos vendo ata o momento é un PP o que estamos vendo é un PP obcecado na súa incompetencia e que non quere recoñecer a súa parte de responsabilidade por ter as masas forestais e o agro abandonado, en manter que o territorio sen ordenar”. En Marea celebra que a Xunta escoitase a súa proposta de abrir oficinas informativas, e anunciase unha para o concello de Cervantes, pero insiste en que debe facelo en todos os municipios afectados, para facer efectivo o dereito da xente a coñecer a que axudas terá acceso.

Luís Villares tamén fixo referencia no transcurso das súas declaracións en Seoane do Courel ao “inimigo exterior” que buscou Feijóo na suposta trama do terrorismo incendiario “que nin a policía xudicial nin a Fiscalía ven por ningures” e que para o voceiro de En Marea só foi unha coartada empregada para evitar facerse responsable da súa incompetencia.

Deixa unha resposta

O teu enderezo electrónico non se publicará Os campos obrigatorios están marcados con *

2 + 2 =

X