En Marea lamenta profundamente a inhumana xestión migratoria que está a levar a cabo a Comunidade Europea, adoptando políticas migratorias cada vez máis restrictivas, fomentando coas medidas propostas á súa vez o aumento da discriminación, o racismo e a xenofobia na sociedade.

“Ante as sucesivas oleadas de pateras e o resto de embarcacións que afunden en Europa, coma a que coñecimos nas últimas horas que naufragou con máis de cen mortos, moitos deles nenos, dende En Marea queremos denunciar o fracaso dás políticas dá Unión Europea consistentes na retención dás persoas que tentan salvar a súa vida nos países dá outra veira do Mediterráneo que únicamente buscan invisibilizar aos ollos dá cidadanía europea o drama do que está a pasar”, asegurou o voceiro de En Marea, Luís Villares que considera que o conxunto das autoridades comunitarias “deben facerse ademáis responsables dás actitudes de países como Italia que están a denegar o auxilio á xente que despois acaba morrendo no Mediterráneo”, subliñou.

Cómpre lembrarlle aos representantes políticos que teiman en endurecer as políticas migratorias que estamos a falar de persoas: nenos e nenas, xoves, mulleres, homes…. que viven situacións de desprotección que as levan a tomar medidas desesperadas por tentar vivir cun mínimo de dignidade, garantías e seguridade.

Referirse a estas persoas como “carne humana” da conta da catadura moral dalgúns políticos europeos.

É absolutamente indignante que tras unha cumbre de representantes europeos a “medida estrella”, alén de moitos países rexeitar directamente a acollida destas persoas é impor maiores controis ás ONG que rescatan migrantes no Mediterráneo  sexa o mercadeo: cuartos a cambio de persoas.

Por todo isto En Marea esixe a Unión Europea “sair ao rescate de inmediato de todas as persoas que neste momento se atopan cruzando o Mediterráneo, deben abrir vías seguras dende os países de orixe para poder acoller a estas persoas en Europa, deben facerse políticas reais de acollida ás persoas refuxiadas e facilitarlles unha vida digna nos nosos países”, precisou Villares.

É denigrante que no século XXI se tomen medidas que lembran moito a escuros tempos pasados. É indignante que teñamos tan pouca memoria, que esqueceramos tan rápido que nos tamén emigramos, que teñamos tan pouca conciencia e sensibilidade cara aos nosos iguais.

Esta xente, o mesmo que a xente galega, que a xente española e  que a xente europea “cando migrou a consecuencia dás guerras que arrasaron o noso continente durante todo o século XX, soamente buscan protexer as súas vidas e as dás súas familias e nós non podemos negarlles iso facendo de países como Libia ou Turquía verdadeiros cárceres, ou condenándoos a unha morte segura no Mediterráneo”, lembrou o voceiro de En Marea.

Dende En Marea cremos que os gobernos europeos deben asegurar que as persoas rescatadas no Mediterráneo cheguen a portos seguros, e estes acordos non aseguran nada, ao contrario: moitas persoas seguirán falecendo no mar mentras nos miramos cada outro lado, sendo cómprices duns actos inhumanos.

O dereito ao asilo ten que ser respectado para garantir os dereitos fundamentais das persoas.

Villares considera que cada vez que unha persoa ou un grupo de persoas se suben a unha patera “nós somos responsables do que pasa a bordo, e cada vez que eles naufraxian é un naufraxio colectivo da civilización europea”, precisou antes de incidir en que “por iso facemos un chamamento ás autoridades europeas e singularmente ao Goberno español para que tomen cartas no asunto e deixen dunha vez por todas de mirar cara outro lado mentres a xente afoga no Mediterráneo”.

.