En Marea insta á Xunta de Galicia a establecer de xeito urxente axudas directas para os agricultores afectados polo pedrazo na Limia

Estás aquí: Inicio » En Marea insta á Xunta de Galicia a establecer de xeito urxente axudas directas para os agricultores afectados polo pedrazo na Limia

En Marea insta á Xunta de Galicia a establecer de xeito urxente axudas directas para os agricultores afectados polo pedrazo na Limia

O voceiro Luís Villares e a deputada Ánxeles Cuña visitaron ás zonas afectadas acompañados por representantes de Iniciativa por Xunqueira e do Sindicato Labrego

O voceiro de En Marea, Luís Villares, e a deputada no Parlamento, Ánxeles Cuña, visitaron ás zonas afectadas polo forte episodio de pedrazo que arrasou con todas as plantacións na zona da Limia provocando perdas económicas que calculan superen o millón de euros. Na visita estiveron acompañados dos representantes de Iniciativa por Xunqueira e do Sindicato Labrego co obxectivo de coñecer de primeira man a situación na que se atopan os agricultores e agricultoras afectadas.

Ante a gravidade da situación, o grupo de En Marea anunciou xa que trasladará ao Parlamento a necesidade de que a Xunta de Galicia ofreza axudas directas aos afectos xa que se trata na maioría dos casos de persoas que viven directa e de xeito único do cultivo de cereal, chícharo, cebola, pataca e repolo, sendo a súa única actividade.

A corporación municipal aprobou onte por unanimidade a petición de zona catastrófica ao que os representantes no Concello de Iniciativa por Xunqueira suman a necesidade de que a Consellería estableza axudas directas que axuden a que os afectados e afectadas teñan liquidez económica porque tal e como salienta a concelleira Sonia Vidal “aos gastos xa realizados pola semente agora suman outros como a sulfatación para que non podreza o pouco que quedou¨.

O grupo parlamentar de En Marea súmase así a esta petición de Iniciativa por Xunqueira e comprometeuse a levar a petición ao Parlamento de xeito urxente para que o Goberno galego atenda as urxentes necesidades dos agricultores e agricultoras da Limia.

Deixa unha resposta

O teu enderezo electrónico non se publicará Os campos obrigatorios están marcados con *

1 + 14 =

X