COMUNICADO DA ÁREA DE FEMINISMO DE EN MAREA CO GALLO DO DÍA INTERNACIONAL DO DEREITO AO ABORTO

Estás aquí: Inicio » COMUNICADO DA ÁREA DE FEMINISMO DE EN MAREA CO GALLO DO DÍA INTERNACIONAL DO DEREITO AO ABORTO

COMUNICADO DA ÁREA DE FEMINISMO DE EN MAREA CO GALLO DO DÍA INTERNACIONAL DO DEREITO AO ABORTO

Santiago, 27 de setembro de 2017. Desde a área de feminismo de En Marea apoiamos a campaña do 28 de setembro “As mulleres deciden!”co gallo da celebración do Día Internacional do dereito ao aborto, ao entender que o acceso ao aborto legal, seguro e gratuíto ten que recoñecerse de xeito efectivo e aplicarse en todo o mundo.

O 28 de setembro é unha data emblemática desde 1990, cando o movemento de saúde de mulleres en América Latina lanzou unha campaña para pedir o acceso seguro ao aborto. Desde aquela, cada vez máis rexións e países se uniron á celebración dun día para seguir reivindicando o dereito das mulleres a decidir sobre os seus corpos e ó acceso á saúde reprodutiva de forma legal e segura.

Os dereitos sexuais e reprodutivos, entre eles a Interrupción Voluntaria do Embarazo, son dereitos humáns internacionalmente recoñecidos polas Nacións Unidas nas Conferencias do Cairo (1994) e Beijing (1995). O Consello de Europa, xa no ano 2008, instaba aos estados membros a que garantan que a interrupción do embarazo sexa unha práctica accesible e segura. A realidade é que, a día de hoxe, isto segue sen cumprirse en múltiples lugares, o que provoca, entre outras cousas, que moitas mulleres morran a causa de abortos inseguros.

Na área de feminismo de En Marea entendemos que os poderes públicos deben garantir o dereito das mulleres a ter control respecto da súa sexualidade, incluída a saúde sexual e reprodutiva, e a decidir libre e responsablemente sobre a súa maternidade. O contrario supón unha vulneración grave deses dereitos e un ataque frontal contra a liberdade, a dignidade e a integridade das mulleres.

Por elo, desde a área de feminismo apoiamos que ningunha muller sexa forzada a unha maternidade non desexada. O dereito a decidir supón o recoñecemento das mulleres como persoas autónomas, responsables, libres… para tomar asdecisións que lles atinxen.

Por estes e outros moitos motivos, desde a área de feminismo de En Marea emprazamos á tódalas persoas a acudir ás concentracións e actos que se celebrarán o xoves, 28 de setembro, en diversas localidade de Galicia, baixo o lema “AS MULLERES DECIDEN!”

Deixa unha resposta

O teu enderezo electrónico non se publicará Os campos obrigatorios están marcados con *

seventeen − one =

X