Hoxe presentamos a nosa “Unitaria: II Escola de Verán”, co título “Galicia fronte o cambio climático”. Será unha xornada adicada á emerxencia climática na que debateremos, aprenderemos e presentaremos as nosas propostas para loitar fronte o cambio climático, para que non nos rouben o futuro.

Na xornada haberá palestras e mesas nas que diferentes persoas expertas como Pablo Meira, Mar Sobral, Sonia Vidal, Luz Ocampo, María Loureiro, Xoán Doldán, Paco Vizoso, Iván Rodríguez, Manuel Xermade ou Xabier Vence falarán e debateremos sobre o cambio climático, a súa incidencia na deforestación e nos incendios forestais, na saúde, na política forestal, na xestión dos recursos enerxéticos…

Luís Villares, voceiro de En Marea, pechará a xornada presentando as propostas inmediatas de En Marea para a loita contra a emerxencia climática e ambiental.

Contamos con vos!!

PROGRAMA DA XORNADA:

10:00 h Presentación da xornada e benvida. Ana Seijas. (Vicevoceira de En Marea).

10:05 h: Crise climática: emerxencia e resposta social.

Pablo Meira, Doutor en Ciencias da Educación e Profesor de Educación Ambiental na Universidade de Santiago de Compostela. Integrante do Grupo de Investigación en Pedagoxía Social e Educación Ambiental. Membro do Seminario Permanente de Educación e Comunicación do Cambio Climático no Centro Nacional de Educación Ambiental. Profesor de Educación Ambiental na USC).

11:00 Mesa 1. Territorio: ambiente e sector primario.

• Emerxencia climática e cambio global. Mar Sobral, doutora en Ecoloxía Evolutiva pola USC, investigadora posdoutoral durante 4 anos na Universidade de Stanford e 2 anos no CNRS francés. Actualmente traballa como investigadora na USC estudando a relación entre a evolución, os servizos ecosistémicos e o cambio global.

• A mudanza climática e a produción agrogandeira. Efectos do clima e efectos das medidas mitigadoras do cambio climático. Agroecoloxía e soberanía alimentaria como resposta. (Sonia Vidal Lamas. Sindicato Labrego Galego).

• Mudanza climática, sector forestal e risco de lumes: Luz Ocampo, Cooperativa Amarelante. Unha aposta pola castaña a través do cooperativismo.

12:00 Pausa café

12:30 h Mesa 2: Crise climática ou crise sistémica?

• O modelo neoliberal como responsable do cambio climático. Xavier Vence Deza. Catedrático de Economía Aplicada na USC. Membro do Grupo de Investigación de Innovación, Cambio Estrutural e Desenvolvemento.

• O impacto do cambio climático na economía de Galicia. María Loureiro. Prof. de Fundamentos de análise económica da USC.

• Situación enerxética galega. Adrián Dios Vicente. Investigador na USC especialista no sector eléctrico.

• Peak oil: como afrontar os límites ao consumo de petróleo?. Xoán Doldán. (Véspera de Nada). Decano da Facultade de Economicas da USC.

 14:00 h Pausa comida

16:30 As alternativas enerxéticas en Galicia. Ángel Montero (Nosa Enerxía).

17:00  Mesa 3. Sociedade e Saúde: a mudanza climática e a vida das persoas.

• Consecuencias da contaminación nas cidades para a saúde cambio climático e saúde: doenzas emerxentes. Paco Vizoso, epidemiólogo e Moncho Veras, coordinador da Marea de Sanidade.
• A crise da auga. Previsións, impactos e propostas para a xestión da auga: ecosistemas, usos e recursos. Iván Rodríguez Lombardero, Doutor en Ciencias pola UPM, traballador do SLG.

18:00. Peche da xornada: A revolución climática para que non nos rouben o futuro, con intervencións de movementos sociais e micro aberto.

Peche da Xornada a cargo de Luís Villares (Voceiro de En Marea). Presentación das propostas inmediatas de En Marea para a loita contra a emerxencia climática e ambiental.

Haberá servizo de conciliación, polo que podedes traer ás vosas crianzas.