Antón Sánchez: “O resultado das políticas de infraestruturas do PP no noso país despois de tantos anos de Goberno é un folio en branco”

Estás aquí: Inicio » Antón Sánchez: “O resultado das políticas de infraestruturas do PP no noso país despois de tantos anos de Goberno é un folio en branco”

Antón Sánchez: “O resultado das políticas de infraestruturas do PP no noso país despois de tantos anos de Goberno é un folio en branco”

O grupo parlamentario de En Marea preguntará ao presidente da Xunta de Galicia, Alberto Núñez Feijóo, polo “fracaso absoluto” das políticas de infraestruturas impulsado polo seu Goberno e del mesmo. Así Galicia queda excluída do mapa da rede de corredores de Europa. “O resultado das políticas de infraestruturas do PP no noso país despois de tantos anos de Goberno é un folio en branco” lamentou o vicevoceiro de En Marea, Antón Sánchez, na rolda de prensa posterior á xunta de portavoces. Fora da rede de ferrocarril de mercadorías ata o 2027, o porto de Vigo tamén queda fora dos portos nodais, e “fracaso estrepitoso” de Feijóo na súa negociación con Asturias e Castela e León.

Unha vez o señor Feijóo é moi útil para o PP e para Madrid pero para Galicia un total fracaso que fai condena a Galicia quedar a marxe da rede de mercadorías nun país que move o menos do 1 por cento en ferrocarril. Unha cuestión fundamental para o desenvolvemento sostible e que se debe a que Feijóo é non militante de Galicia como di senón do PP e de España e do nacionalismo español.

En Marea preguntará tamén nesta pregunta incluirá o grupo parlamentario o anuncio do Ministerio de Fomento de incremento das peaxes para un vindeiro ano un 3,1 por cento. Algo que foi valorado como “intolerable” polo viceportavoz que lembrou unha vez máis que estamos a falar dun negocio outorgado polo Boletín Oficial do Estado polo PP aos ´amiguetes` e que deixou o pasado ano 45 millóns de beneficios, 1 de cada 3 euros pagados nas autoestradas. Así mesmo asegurou que o Goberno ten aínda a posibilidade de poñer á empresa no seu sitio pero a inacción deixa entrever a posibilidade de que exista un acordo extraxudicial que fai que o Goberno sempre ceda ante os desexos de Audasa. “O PP non pode continuar a falar de herdanzas recibidas porque é falso e hai que lembrar que o verdadeiramente responsable da privatización foi o Partido Popular. É a corrupción feita lei” afirmou Sánchez.

A maiores o grupo parlamentario de En Marea levará ao vindeiro pleno dúas mocións, unha sobre a política de emerxencias co obxectivo de acabar coa absoluta descoordinación que quedou en evidencia o domingo negro, e outra para a preservación dos postos de traballo de Conservas Calvo en Esteiro onde o vicevoceiro denunciou o “descontrol de axudas a empresas que despois acaban deslocalizando a súa produción”.

En Marea preguntará tamén ao Goberno galego polas declaracións do Fiscal de Medio Ambiente relativas a teoría da intencionalidade dos lumes repetida polo Goberno galego e que foi desmentida por todos, tamén pola Fiscalía.

No relativo apartado de interpelacións, En Marea presentará unha sobre o dereito a vivenda digna xa que estamos ante un problema que continúa a ser moi grave no noso país con 6 desafiuzamentos diarios por non poder pagar o aluguer. “A situación actual reflicte o modelo do PP da precariedade da inestabilidade e falla de expectativas da xente. Moi indicativo de como está o panorama laboral deste país” subliñou Sánchez.

No primeiro pleno do mes de decembro se tratará tamén a Iniciativa Lexislativa Popular sobre a política enerxética que inicialmente era sobre pobreza enerxética pero o PP optou por cambiar o título. Antón Sánchez destacou que Galicia sitúase á cabeza en canto a pobreza enerxética o que deixa en evidencia un grave problema social que está a afectar a milleiros de persoas no noso país. “Non haberá solución á pobreza enerxética mentres non se cambie o modelo laboral pero tamén mentres non se meta man aos beneficios do oligopolio enerxético, algo que o PP non quere facer” aclarou.

 

 

Deixa unha resposta

O teu enderezo electrónico non se publicará Os campos obrigatorios están marcados con *

13 − 1 =

X