Candidaturas

Antón Sánchez García

Traballo como agricultor. Na pasada lexislatura exercín de deputado e viceportavoz de AGE no Parlamento galego. Porque a Galiza do común é posíbel.

Luca Chao Pérez

Cidadá, politóloga, comprometida co cambio para recuperar o que era noso: a liberdade, a dignidade e o sorriso.

José Manuel Lago Peñas

Economista especializado en traballo, economía pública e política industrial. Traballo no gabinete confederal de CC.OO. e na UDC.

Magdalena Barahona Martín

Profesora de socioloxia na Universidade de Vigo, especializada en desigualdade social, xénero e demografía dos recursos humanos e das organizacións. Comprometida cos movementos pola paz e a solidaridade internacional.

Francisco “Pancho” Casal Vidal

Enxeñeiro industrial e produtor audiovisual. Achegando a miña experiencia e traballando para conseguir un cambio de modelo produtivo no noso país, cara ao ben común.

Flora María Miranda Pena

Médica, nai de dous fillos, feminista. Membro do comité de ética da área sanitaria de Santiago. Defendo a sanidade pública, a xustiza social e a rebeldía competente.

Xan Xove González

Traballador social e carteiro rural libertario, defensor dos servizos públicos, insumiso, emigrante retornado, ecoloxista e músico en galego

Mariló Candedo Gunturiz

Pedagoga. Profesora na UDC. Activista comprometida na defensa da educación pública desde os movementos de renovación pedagóxica.

Luís Villares Naveira

Biografía

Paula Vázquez Verao

Habitante do rural, traballo no turismo. Presido a asociación cultural Colado do Vento, toco o clarinete na banda de Sober e son concelleira de Agroma Sober. Cómpre rescatar o común da rapina.

Víctor Andrés Álvarez Arias

Gustame a montaña, o Courel e Ancares, camiñar. Falar ca súa xente. Do mar, a ría do Vicedo. Vivo en Friol, onde temos cinco pitas, un galo, unha burra, dous cans -un deles de palleiro-, e un invernadoiro con horta

María Isabel García Díaz

Enfermeira. Emigrei para poder estudar. Levo anos pelexando pola sanidade e os servizos públicos. O meu soño é a xustiza social.

Carmen Santos Queiruga

Traballo no sector público. Formo parte dun mar de xente diversa e unida porque queremos que as cousas cambien para os de abaixo.

Marcos Cal Ogando

Activista. Participei no 15M, nas Marchas da Dignidade ou na Marea de Pontevedra. O 15M xuntámonos nas prazas para lle dicir aos de arriba que abonda. Agora queremos un goberno da xente.

Eva Solla Fernández

Traballei defendendo, dentro e fóra do Parlamento, a sanidade pública, os dereitos das mulleres e os da mocidade obrigada a emigrar. Aínda queda moito por facer e moitas loitas por gañar.

Juan J. Merlo Lorenzo

Enxeñeiro de Vigo, Secretario de Organización de Podemos Galicia. Loitando por lograr a Galicia que todos queremos e merecemos.

Paula Quinteiro Araújo

Traballadora da sanidade. Anticapitalista e feminista. Comprometida coa transformación da realidade a prol da xente do común.

Xoán Hermida González

Xestor turístico. Historiador e Doutor en Ciencias Políticas pola USC. Coordinador de Marea Pontevedra e Director do Foro OBenComún.

www.xoanhermida.eu

Julia Torregrosa Sañudo

Son arquitecta e profesora de debuxo no ensino secundario e nai de dous fillos. Creo nunha educación que loite contra a desigualdade.

Mariano Abalo Costa

Traballo no sector público. Son concelleiro de Urbanismo e Facenda por Alternativa Canguesa de Esquerdas no goberno municipal. Para levar a voz das traballadoras galegas ás institucións.

Ánxeles Cuña Bóveda

Pedagoga, dramaturga e directora teatral. Por compartir principios co común. Por amor á lingua e á cultura. Pola dignidade.

David Rodríguez Estévez

Alcalde de Manzaneda dende o 2009. Músico, cooperativista, bombeiro forestal e labrego. Cos pés na terra. Na defensa dun rural con futuro.

María Eva Gutiérrez Fernández

Enfermeira,  loitadora, cidadá implicada na defensa a ultranza dun sistema público e na procura dun CAPD na nosa provincia.

Xosé Manuel Pérez Bouza

Comprometido coa defensa dos servizos públicos e da xustiza social, teño claro que con En Marea, outro Ourense e outra Galicia son posibles.